Mancu era bbonu

Iù vi staiu parrannu

ri cinquant'anni fa,

mancu ri tantu. 

Si nun stavumu attenti

picca picca a cumminari dannu

o ri sgarrari da la ritta via,

me mattri mi riceva:

"attentu ca ti tiru na ttappina

e ti rumpu u battisimu sicuru."

Me pattri a ttonu ri dda bbanna

arrispunneva: 

"chi c'affari a ttappina, a stari attentu

ca si cummini ddannu,

ialiotu, a cintura re causi mi levu,

e ddunni vegnu e vegnu ro mulino".

Mancu era bbonu!

Però ora i cosi ca si virunu

su strani.

Si picca picca

n'maestru o un m'profissuri,

a mmattri e ppattri

ci rici ca so figghiu,

vogghia ri sturiari,

picca nn'avi,

ha stari attentu 

puvireddu iddu

megghiu s'azzicca

a lingua, n'o cchiù 

funnu puttusu.

Picchì ora ca su di moda

i tacchi a spillu,

a mattri, si la leva la scarpina,

ma ppi ttirariccilla

nnò chicchirimiddu,

ri chiddu ca cci rissi

ca so figghiu, 

vogghia ri sturiari 

nun ci nn'avi. 

dedicato ai siciliani, poesia di Sandra Mirabella