I PINSIUNATI

Ddu pinsiunati assittati a n'tavulinu

o bar ri dda ssutta ra buggata,

dopu ca s'auna ammuccatu

ddu briosci e ddu graniti ri limoni,

si staunu acchiappannu tutti nfirvurati.

"Ha vistu comu n'ana tagghiatu la pinsioni?"

"E' cuppa to', c'ha vutatu a chissu,

ca iavi setti avvisi i garanzia!"

"Iu' ? Ci riceva l'autru, russu comu na paparina,

ma si sinteva attia e ci rava u votu a to cumpari...

chiddu, ha rubbatu soddi a tinchite',

e ora si scuprenu l'attarini!"

Dopu ca s'acchiapparu bboni bboni

e picca ci mancava, puri ca si pigghiavunu a lignati.

Nu pinsiunatu all'autru ci rissi, pigghiatu ri pena e tuttu n'furiatu:

"Ora comu facemu, ca ri onestu, nun ci arristau mancu u iaddu ro puddaru?"
Ora, ci rissi l'autru, n'culliratu,

facemu comu ficiru l'antichi,

ca si scippanu i panzi e arristanu che' viddichi!

Pinsamuci cchiu' megghiu n'attra vota!

poesia di Sandra Mirabella